கோவை போலீஸ் பயிற்சி பள்ளியில் பயிற்சி முடித்தவர்களுக்கான வழி அனுப்பும் விழா நடக்க உள்ளது. விழாவில், கலை நிகழ்ச்சி நடத்துவதற்கான ஒத்திகையை பெண் போலீசார் நிகழ்த்தினர். இடம்: பி.ஆர்.எஸ்., மைதானம், கோவை.

மதுரை விமான நிலையம் சர்வதேச தரத்திற்கு உயர்த்தப்பட்டுள்ளது. விரிவுபடுத்தப்பட்டுள்ள விமான நிலைய புதிய முனையத்தின் உட்புறத் தோற்றம்.

கிருஷ்ண ஜெயந்தியை முன்னிட்டு, மதுரை மாட்டுத்தாவணி பகுதியில், சிலைகள் தயார் செய்து வண்ணம் பூசும் பணியில் தொழிலாளர்கள் ஈடுபட்டுள்ளனர்.

தென்மாவட்ட போலீஸ் பட்ஜெட் குறித்து, மதுரையில் உயர் அதிகாரிகளுடன் தலைமையிடத்து ஏ.டி.ஜி.பி., அனுப்ஜெய்ஸ்வால் ஆலோசனை நடத்தினார்.

பாகிஸ்தானுக்கு மேலும் 100 கோடி ரூபாய் மதிப்பிலான நிவாரண உதவி அளிக்க மத்திய அரசு முடிவு செய்துள்ளது. பாகிஸ்தானில் வரலாறு காணாத வெள்ளம் ஏற்பட்டதால் பஞ்சாப், சிந்து மாகாணங்கள் கடுமையாக பாதிக்கப்பட்டுள்ளன. 1,700 பேர் பலியாகியுள்ளனர். 16 லட்சம் பேர் வீடுகளை இழந்துள்ளனர். வெள்ளத்தால் பாதிக்கப்பட்ட மக்களுக்கு உலக நாடுகள் நிவாரண உதவிகளை வழங்கி வருகின்றன. இந்தியா சார்பில், ஏற்கனவே 25 கோடி ரூபாய் மதிப்பிலான உதவிகள் வழங்கப்பட்டன. ஆனால், இதை ஏற்க அந்நாட்டு அரசு தயங்கியது. அமெரிக்காவின் வற்புறுத்தலின் பேரில், இந்த உதவியை ஐ.நா.,வின் மூலம் பெற பாகிஸ்தான் அரசு ஒப்புக்கொண்டுள்ளது. இதற்கிடையே, மேலும் 100 கோடி ரூபாய் மதிப்பிலான நிவாரண உதவிகளை வழங்க மத்திய அரசு முன்வந்துள்ளது. இதனை மத்திய வெளியுறவுத்துறை அமைச்சர் எஸ்.எம்.கிருஷ்ணா தெரிவித்துள்ளார்.

ஆமதாபாத்தில் மேத்தா மருத்துவமனையின் துவக்க விழாவில், இருதய நோயாளிகளை குஜராத் முதல்வர் நரேந்திர மோடி சந்தித்தார்.

குஜராத் தஹேஜில் உள்ள அதானி கார்கோ துறைமுகத்தில், நிலக்கரி இறக்குவதற்கான இயந்திரத்தை பொறுத்தும் பணி நடந்து வருவதை பணியாளர்கள் பார்க்கின்றனர்.

ஆந்திர மாநிலம் தெலுங்கான பகுதியைச் சேர்ந்த காங்., எம்.பி.,க்கள், பிரதமர் மன்மோகன் சிங்கை சந்தித்துவிட்டு திரும்பினர்.

கண்ணன் பிறந்தநாளை வடமாநிலங்களில் ஜென்மாஷ்டமி திருவிழாவாக கொண்டாடப்படுகிறது. போபாலில் விற்பனைக்கு வைக்கப்பட்டுள்ள லட்டு கிருஷ்ணரை விலைக்கு வாங்கும் ஆர்வமுடன் பார்வையிடும் வெளிநாட்டினர்.

காஷ்மீரின் யூரி பகுதியில் ஊடுறுவ முயன்ற ஒன்பது பேரை பாதுகாப்புப் ப‌டையினர் சுட்டுக் கொல்லப்பட்டனர். அவர்களிடமிருந்து அதிநவீன வயர்லஸ் செட், வெடிமருந்துகள், ஆயுதங்கள் மற்றும் பாகிஸ்தான் கரன்சி நோட்டுகள் போன்றவை கைபற்றப்பட்டன.

சீனாவில் மழை, வெள்ளத்திற்கு 4200பேர் பலி

சீனாவில் இந்தாண்டில் பெய்த மழை, வெள்ளத்திற்கு 4200பேர் பலியாகியுள்ளனர். சீனாவில் இந்த ஆண்டில் பல்வேறு காலகட்டங்களில் பெய்த மழை, வெள்ளம் மற்றும் இயற்கை சீற்றத்தால் அந்நாடு பெரிதும் பாதிக்கப்பட்டுள்ளது. ஆகஸ்ட் 31ம் தேதி அறிக்கை படி மழை வெள்ளத்தால் 3185பேர் பலியாகியுள்ளனர், 1050பேர் காணவில்லை. காணமால் போனவர்களையும் சேர்த்து மொத்தம் 4235பேர் பலியாகியுள்ளனர். மேலும் 2லட்சத்திற்கு அதிகமான பேர் வீடுகளை இழந்தும், 5லட்சத்திற்கும் மேற்பட்ட வீடுகள் சேதமுடைந்து உள்ளன. மழை, வெள்ளத்தால் அரசுக்கு இதுவரை 350பில்லியன் யுவானுக்கு மேல் நஷ்டம் ஏற்பட்டுள்ளது. இதுகடந்த 1998ம் ஆண்டு ஏற்பட்ட மழை, வெள்ள சேதத்தை விட அதிகமாகும்.

பாகிஸ்தான், பெஷாவர் நகர் அருகே உள்ள நவ்ஷரா என்ற கிராமத்தில் வெள்ளத்தால் பாதிக்கப்பட்டவர்களின் குழந்தைகள், சாலையோரம் கொசு மற்றும் ஈக்களுக்கு மத்தியில் சுகாதாரமற்ற நிலையில் படுத்துள்ளனர்.

அமெரிக்கா, நியூயார்க் நகரில் நடந்த யு.எஸ் ஒப்பன் டென்னிஸ் டோர்னமென்ட் தொட்க்காவிழாவில், ஆர்துர் ஆசி மைதானத்தில் நடுவில் அந்நாட்டு கொடி படர்ந்து பார்வையாளர்களை வியக்க வைத்தது.

சூதாட்ட புகாரில் சிக்கிய வீரர்களுக்கு, பாகிஸ்தானில் கடும் எதிர்ப்பு கிளம்பி உள்ளது. லாகூரில், சல்மான் பட் உள்ளிட்ட வீரர்களின் உருவ பொம்மையை எரித்து, எதிர்ப்பை வெளிப்படுத்திய பாகிஸ்தான் ரசிகர்கள்.

ஆஸ்திரியா, சலாபெர்க் மாகாணத்தில் கடும் பனிப்பொழிவால் நகரமெங்கும் பனி படர்ந்துள்ளது.

மியான்மர், பாகோ நகரில் பெய்த கன மழையால் அங்கு பல பகுதிகளில் வெள்ளம் சூழ்ந்துள்ளது. அங்கு வாழும் மக்கள் பாதுகாப்பான இடத்திற்கு மாற்றப்பட்டு வருகின்றனர்.

மலேசியா, கோலாலம்பூரில் விடுதலை நாளை முன்னிட்டு நடந்த விழாவில், புகிட் ஜலில் புட்ரா மைதானத்தில் பல நடன கலைஞர்கள் சேர்ந்து ஆடிய பிரம்மாண்ட நடனம்.

நேற்றைய செய்திகள்