"மத்திய அமைச்சர்கள் தங்களின் சொத்துக்கள் மற்றும் கடன்கள் தொடர்பான வருடாந்திர கணக்கு விவரங்களை பிரதமரிடம் சமர்ப்பிக்க வேண்டும்' என, கேபினட் செயலர் கேட்டுக் கொண்டுள்ளார். மத்திய அமைச்சர்கள் அனைவருக்கும் கேபினட் செயலர் சந்திரசேகர் எழுதியுள்ள கடிதத்தில் கூறப்பட்டுள்ளதாவது: நன்னடத்தை விதிகளின்படி, ஒருவர் அமைச்சராகப் பொறுப்பேற்ற இரண்டு மாதத்திற்குள், பிரதமர் அல்லது மாநில முதல்வரிடம் தங்களின் சொத்து மற்றும் கடன் விவரங்களை சமர்ப்பிக்க வேண்டும். தங்களின் சொத்து விவரங்களை மட்டுமின்றி, குடும்பத்தினர் பெயரில் உள்ள சொத்து விவரங்களையும் தாக்கல் செய்ய வேண்டும். அதனடிப்படையில், மத்திய அமைச்சர்கள் அனைவரும் சொத்துக்கள் மற்றும் கடன்கள் தொடர்பான வருடாந்திர கணக்கு விவரங்களை பிரதமரிடம் சமர்ப்பிக்க வேண்டும். இவ்வாறு கடிதத்தில் கூறப்பட்டுள்ளது.

திருப்பதியில் பிரதமரை ஆந்திர பிரதேச கவர்னர் நரசிம்மன் விமான நிலையத்தில் வரவேற்றார்.

திருப்பதியில், மன்னாவரம் கிராமத்தில், ருபாய் ஆறு ஆயிரம் கோடி செலவில் ( என்.டி.பி.சி - பெல்.,) மின்சார சாதங்கள் தயாரிக்கும் நிறுவனத்தை, பிரதமர் மன்மோகன் சிங் அடிக்கல் நாட்டி வைத்த போது, மத்திய மின்சார துரை அமைச்சர் சுசில் குமார் ஷிண்டே சால்வை அணிவித்தார், அருகில் மத்திய பெருந் தொழில்த் துறை அமைச்சர் விலாஸ்ராவ் தேஷ்முக்.

டில்லியில், பத்திரிகையாளர் கூட்டத்தன் பொது; பார்லிமென்டில் நடந்த மழைக் கால கூட்டத்தில், கட்சியின் பங்கு குறித்து பா.ஜ.க., வின் தலைவர் சுஷ்மா சுவராஜ் விளக்கினார், மற்றும் அருண் ஜெட்லி, எஸ்.எஸ். அளுவாலியா ரவி சங்கர் பிரசாத் (வலது) உடனிருந்தனர்.

பரிதாபாத்தில் நடந்த தர்ணாவில், கலந்து கொண்ட விசாயிகளுக்கு பா.ஜா.க., வின் முன்னாள் தலைவர் ராஜ்நாத் சிங் பழச் சாறு வழங்கினார்.

எல்.ஐ.ஸியின் 54வது ஆண்டு விழா, மும்பையில் கோலகலமாக நடைபெற்றது,எல்.ஐ.சி.சேர்மன் டி.எஸ்.விஜயன் முன்னிலையில் நிதி அமைச்சர் பிரணாப் முகர்ஜி கேக் வெட்டி மகிழ்ச்சியை பகிர்ந்து கொண்டார்.

பாகிஸ்தானில் தற்கொலைப் படை தாக்குதல்: 28 பேர் பலி

பாகிஸ்தானின் லாகூர் நகரில் ஷியா பிரிவு முஸ்லிம்களின் ஊர்வலத்தில், தற்கொலைப் படையை சேர்ந்த மூன்று பேர் குண்டுகளை வெடிக்கச் செய்ததில் 28 பேர் பலியாயினர். 180 பேர் படுகாயமடைந்தனர். பாகிஸ்தானின் ஷியா பிரிவு முஸ்லிம்களால் புனிதராக கருதப்படும் இமாம் அலியின் நினைவு தினம் அனுசரிக்கப்பட்டது.

இதையொட்டி லாகூரிலும், கராச்சியிலும் பேரணி நடந்தது. லாகூரில், கர்பாலா கமே ஷா இமாம்பர்கா என்ற இடத்தில் நடந்த ஷியா பிரிவினரின் ஊர்வலத்தில் நுழைந்த மூன்று தற்கொலைப் படையினர் தங்கள் உடலில் கட்டியிருந்த குண்டுகளை வெடிக்கச் செய்தனர். இந்த தாக்குதலில் 28 பேர் உடல் சிதறி பலியாயினர். சிறுமிகள் மற்றும் போலீசார் உள்பட 180க்கும் அதிகமானவர்கள் காயமடைந்து மருத்துவமனையில் சிகிச்சை பெற்று வருகின்றனர்.

இந்த தாக்குதலுக்கு லஷ்கர் இ ஜாங்வி அல் அல்மி என்ற அமைப்பு பொறுப்பேற்றுள்ளது. பேரணிக்கு உரிய பாதுகாப்பு ஏற்பாடுகளை செய்யாத போலீசாரை கண்டித்து, ஊர்வலத்தில் கலந்து கொண்ட பலர் போலீஸ் நிலையத்தை அடித்து நொறுக்கினர். போலீஸ் வாகனங்கள் தீக்கிரையாக்கப்பட்டன. கல்லெறி சம்பவத்தில் போலீசார் பலர் காயமடைந்தனர். இதையடுத்து இந்த பகுதியில் கண்ணீர் புகை குண்டுகள் வீசப்பட்டன. நிலைமையை சமாளிக்க கூடுதல் போலீசார் வரவழைக்கப்பட்டுள்ளனர். கராச்சியில் சதார் மார்க்கெட் அருகே நடந்த ஷியா பிரிவு முஸ்லிம்களின் ஊர்வலத்தை நோக்கி மூன்று பேர் துப்பாக்கியால் சுட்டதில் ஏழு பேர் படுகாயமடைந்தனர். இதையடுத்து அந்த மூன்று பேர் கைது செய்யப்பட்டுள்ளனர்.

ஈராக்கில் இருந்த அமெரிக்க படைகள் தங்கள் நாட்டிற்கு திரும்புவதையடுத்து, ஈராக் போலீசாரே தங்கள் நாட்டின் பாதுகாப்பு பணியை மேற்கொண்டனர்.

ஸ்விடன், ஸ்டாக் ஹோமில் நடந்த நிகழ்ச்சியில் தென் ஆப்பிரிக்காவின் முன்னால் அதிபர் நெல்சன் மன்டேலாவின் மனைவி கிராசா மைக்கெல்(மத்தியில்), நிகழ்ச்சியில் கலந்துக் கொண்டு குழந்தைகள் வழங்கிய விருதை பெற்றுக் கொண்டார்.

அர்ஜென்டினாவின் ரொசாரியோ நகரில், பெண்களுக்கான உலக கோப்பை ஹாக்கி தொடர் நடக்கிறது. இதன் லீக் போட்டியில் தென் ஆப்ரிக்க அணி 2-1 என்ற கோல் கணக்கில் ஸ்பெயினை வீழ்த்தியது. பந்தை தட்டிச் செல்ல போராடிய இரு அணி வீராங்கனைகள்.

லெபனான், நகோராவில் லெபனானின் ராணுவபடையும்,பிரெஞ்ச் நாட்டு அமைதிப்படையும் இணைந்து கூட்டு பயிற்சியில் ஈடுப்பட்டனர்.

மழை, வெள்ளம் காரணமாக மிக மோசமாக பாதிக்கப்பட்ட பாகிஸ்தானின் சுக்குர் பகுதியில் நீண்ட நாட்களுக்கு பிறகு குழாயில் வந்த தண்ணீரில், ஆசை தீர தன் தலையை நனைத்து குளிக்கும் சிறுவன்.

நேபாளம் தலைநகர் காத்மாண்டுவில் நடைபெற்ற அழகிப்போட்டியில் சதிச்சா ஷிரஸ்தா"மிஸ் நேபாளம்' பட்டம் வென்றார். இவர் உலக அழகி போட்டியில் கலந்து கொள்ள நேபாளம் நாட்டின் சார்பில் அனுப்பிவைக்கப்பட உள்ளார்.

நேற்றைய செய்திகள்