பாகிஸ்தானில் உள்ள நிலைமையை அமெரிக்கா உன்னிப்பாக கவனித்து வருகிறது. தற்போது ராணுவத் தலைமைத் தளபதி அஷ்பாக் கயானி ராணுவ ஆட்சியைக் கொண்டு வரவிரும்பவில்லை என்பதை வெளிப்படையாக சமீபத்தில் அறிவித்தது பெரும் திருப்பமாகும். அதே சமயம் நவாஸ் ஷெரீபையோ அல்லது சர்தாரியையோ முழுவதுமாக அமெரிக்கா நம்பிச் செயல்பட முடியாத நிலை உள்ளது.காரணம், இந்த இருவரும் முன்னர் அதிக ஊழல்புரிந்து மக்களால் புறந்தள்ளப்பட்டவர்கள். ஆனால், இன்று இவர்களை விட்டால் பாகிஸ்தானில் ஜனநாயகம் தொடர்வதில் சிக்கல் எழும். அதே சமயம் பிரதமர் கிலானி சற்று ஜனநாயகப் பாதையை தேர்வு செய்பவர் என்றும், அதே போல, அவருக்கு ஏதும் இதுவரை மோசமான பின்னணி இல்லாததாலும், அவர் மீது அமெரிக்கா உட்பட பல நாடுகள் கவனம் திரும்புகிறது.